«Առաջիկայում խոշոր հանրահավաքներ են լինելու մարզերում և համապետական հզոր հանրահավաք՝ Երևանում: Մեր դիրքորոշումը հստակ է՝ ժողովրդի պահանջը պետք է լինի հրամայական մեզ բոլորիս համար»,- երեկ, իր հրավիրած համաժողովում ասաց ԲՀԿ առաջնորդ Գագիկ Ծառուկյանն ու ըստ էության իշխանափոխության խնդիր դրեց:
Aravot.am-ի հետ զրույցում արձագանքելով մեր այդ դիտարկմանը, ՀՀԿ նախագահի տեղակալ, կրթության եւ գիտության նախարար Արմեն Աշոտյանը հեգնեց. «Ելույթի վերջում նա կարծես թե հրաժարվեց այդ թեզից, որովհետեւ խոսում էր կիրթ իշխանությունների մասին: Դա նշանակում է, որ գործող իշխանությունն այլընտրանք չունի: Մասնավորապես, ես նույնպես ԲՀԿ-ի իշխանական տեսլականի մեջ տեղավորվող կադր եմ»:
Գագիկ Ծառուկյանի ելույթին, ՀՀԿ փոխնախագահն իր վերջնական գնահատականը կտա ՀՀԿ ԳՄ նիստից հետո:
Նելլի ԳՐԻԳՈՐՅԱՆ
Աշոտյանին ասեք, թող զբաղվի կրթության ոլորտի բազմաթիվ խնդիրներով. աթող զբաղվի ԲՈՒՀ-երում տիրող կոռուպցիայով, ոչ թե ավել պակաս խոսա ԲՀԿ-ի խորհրդաժողովի մասին. իրենց հիմնական գործը թողած քաղաքական մեյմունություններով են զբաղվում ու Ֆեյսբուքում ստատուսներ գրելով