Ավետիսյանների հարազատները դուրս եկան դատախազության շենքից: Նրանք ասացին, որ ոստիկանները Շիրակի մարզի դատախազի առանձնասենյակ էին եկել իրենց ընդամենը ասելու, որ սա գլխավոր դատախազին սպասելու տեղ չէ:
Ավետիսյանների հարազատները ասացին, որ մեկ օր ժամանակ են տալիս Գեւորգ Կոստանյանին. եթե իրենց հետ չհանդիպի ու չպարզաբանի հուզող հարցերի պատասխանները, ապա իրենք կսկսեն միտինգներ Գյումրիում՝ ոտքի հանելով ողջ ժողովրդին:
Ըստ հարազատների՝ իրենք ուզում էին խաղաղ ճանապարհով լուծել այդ հարցը, սակայն եթե գլխավոր դատախազը հրաժարվում է իրենց հետ հանդիպելուց, կսկսեն ցույցերը եւ պատասխանատու չեն, թե միտինգի դուրս եկած ժողովուրդը ինչպես իրեն կպահի:
Կարդացեք նաև
Այս պահին Ավետիսյանների հարազատները ուղեւորվում են ոստիկանության Կումայրի բաժին, որպեսզի դիմում գրեն գլխավոր դատախազին:
Նունե ԱՐԵՎՇԱՏՅԱՆ
