Փետրվարի 27-ին Հայաստանում՝ Ուկրաինայի դեսպանատան մոտ տեղի ունեցավ բողոքի ակցիա` կապված այնտեղի դատարանով ցմահ ազատազրկման դատապարտված Էդգար Գեւորգյանի գործի հետ:
Ինչպես արդեն տեղեկացրել ենք, դեսպանն անձամբ ինքն ընդունեց, ապա Էդգարի հարազատների ու նրա հայազգի պաշտպան Վահագն Մանուկյանի հետ զրուցեց, խոստանալով, որ պաշտպանի ներկայացրած փաստաթղթային ողջ փաթեթը կուղարկի Ուկրաինա՝ արդարադատության մարմիններին:
Սակայն այսօր Aravot.am-ի հետ զրույցի ժամանակ Վահագն Մանուկյանն ասաց, որ մինչ օրս որեւէ պատասխան չի ստացել դեսպանատնից:
Էդգար Գեւորգյանը, որը մեղադրվում է Ուկրաինայի քրեական օրենսգրքի երկու հոդվածներով՝ 115 հոդվածի 1-ին կետի 6-րդ մասով եւ 187 հոդվածի հատկանիշներով ավազակային հարձակման եւ դիտավորյալ սպանության համար, ունի մի փաստաբան Ուկրաինայում՝ Միխայել Վելիչկովը:
Կարդացեք նաև
Էդգարի մայրը մտադիր է հացադուլ հայտարարել դեսպանատան մոտ:
Էդգարի դեպքը տեղի է ունեցել խաղատներից մեկում:
Էդգարի մայրը չի հավատում որդուն մեղսագրվածին: Նա դեռ դեսպանի հետ հանդիպման ժամանակ ասաց.«Որդիս զոհ է գնացել: Իրենց գործունեությունը թաքցնելու համար քավության նոխազ դարձրին իմ որդուն: Ես չեմ հասկանում այդ դատավորները, դատախազները ոնց են կարողանում հանգիստ քնել, երբ որ անմեղ մարդուն ցմահ են դատապարտում՝ չարած բանի համար: Իրենք միլիցիայի աշխատողներ են, եւ սկզբից են իմացել, որ տղաս կապ չունի կատարվածի հետ: Նրանք հիմա էլ լավ գիտեն, որ այդ խաղատունը ապօրինի է գործել: 9 խաղատուն է աշխատացրել, ընդհատակյա խաղատուն, նախկին միլիցիայի աշխատող է տերն ու աշխատակիցները: Ինչ են ուզում թաքցնել: Հնարավոր չէր մի հոգին նման ոճրագործություն աներ»:
Ռուզան ՄԻՆԱՍՅԱՆ
