Ճանաչված դերասաններ, ՀՀ վաստակավոր արտիստներ Նելլի Խերանյանն ու Տիգրան Ներսիսյանը հեռանում են Հայաստանի թատերական գործիչների միությունից։ «Այլեւս չենք ցանկանում լինել միության շարքերում։ Երախտապարտ ենք եւ շնորհակալություն ենք հայտնում 20 տարիների ընթացքում միությունը ղեկավարած երկու նախագահներին ու նրանց շուրջ համախմբված աշխատակազմին։ Շնորհակալ ենք նաեւ տարիների ընթացքում համագործակցության, մեր հանդեպ տածած սիրո, հարգանքի, գնահատանքի համար, ինչը կկրենք մեր հոգում եւ սրտում հավետ»,- «Առավոտին» հայտնեց Տիգրան Ներսիսյանը։ Նելլի Խերանյանն էլ հավելեց, որ անդամատոմսերը միություն կուղարկեն ծրարով։
ՍԱՄՎԵԼ ԴԱՆԻԵԼՅԱՆ
«Առավոտ» օրաթերթ
01.03.2015
Արտավազդ մրցանակ չեն տվել Տիգրանին, դրա համար էլ հեռանում են: 🙂
Դե եթե 5 օր առաջ ֆեսյբուքյան մի քանի էջերում գրված էր որոշ մրցնակակիրների անուններ, պարզ է՝ ինչ հերթականությամբ են մրցանակ բաժանելու: Եց այդ մարդիկ էլ ստացան մրցանակ: Իսկ մրցանակակիրների շնորհքը ավելանում է? Սկզբի մի քանի տարիներին նույն մարդիկ էին ստանում կամ նույն մարդկանց զավակները, հիմա էլ ապահովում են իրենց ուսանողների մրցանակները՝ ապահովելով ետմահու փառք, առանց հասկանալու, որ այս դարաշրջանում այդպես էլ Աճեմյան չծնվեց, իսկ երիտասարդ ռեժիսորների մեջ կան մի քանի անուններ, որոնք շատ լավ հայտ են ներկայացրել: Այո, միությունից դուրս չէին գա ամուսին դերասանները, եթե այդպիսի մրցանակաբաշխություն չլիներ: Չնայած մյուս տարի կփորձեն առնել դերասանի սիրտը: Կապրենք, կտեսնենք…