Ապրիլի 14-ին, ժամը 10:20-ին, ոստիկանության Սևանի բաժնում ահազանգ է ստացվել, որ Սևան քաղաքի Կարմիր բանակի փողոցի վերջնամասում մարդ է ընկած՝ արնաշաղախ վիճակում:
Դեպքի վայր մեկնած օպերատիվ խումբը Սևան-Երևան ճանապարհի 59-րդ կմ-ին` նախկին քարհանք վարչություն տանող ճանապարհի հարակից հատվածում, «Ռենաուլտ Լոգան Վան» մակնիշի ավտոմեքենայի մոտ, հայտնաբերել է 1979 թ. ծնված Վիգեն Հայրոյանի դիակը` գլխի ու կրծքավանդակի շրջանում հրազենային վնասվածքների հետքերով:
Դեպքի վայրի զննությամբ՝ դիակից քիչ հեռու գետին ընկած, հայտնաբերվել է Վիգեն Հայրոյանին ամրակցված «Մակարով» տիպի, 9 մմ տրամաչափի ատրճանակը` փամփշտանոցում՝ 1 և փամփշատուփի մեջ 4 փամփուշտով, «Մակարով» ատրճանակի 9 մմ տրամաչափի 1 փամփուշտ և 2 կրակված պարկուճ:
Հանգամանքները պարզվում են:
Կարդացեք նաև
Նշանակվել է դիակի դատաբժշկական փորձաքննություն:
Փաստի առթիվ ՀՀ քրեական օրենսգրքի 104 հոդվածի 1-ին մասի և 235 հոդվածի 1-ին մասի հատկանիշներով հարուցվել է քրեական գործը:
Կատարվում է քննություն:
ՀՀ Ոստիկանություն
