Ամերիկայի մայրաքաղաքում հայերը որոշել են նախագահ Բարաք Օբամային հիշեցնել Հայոց ցեղասպանությունը ճանաչելու իրենց պահանջի մասին: Միացյալ Նահանգների հայ համայնքը հինգշաբթի երեկոյան Սպիտակ տան մոտ մոմավառություն էր կազմակերպել՝ պահանջելով Օբամայից ճանաչել Հայոց ցեղասպանությունը:
Հավաքվածների համոզմամբ՝ Հայոց ցեղասպանության ճանաչումն ու դատապարտումը անհրաժեշտ են ոչ միայն բարոյական տեսակետից, այլև ապագայում հնարավոր ցեղասպանությունների կանխարգելման համար:
Թուրքիայի իշխանությունները հրաժարվում են ճանաչել Հայոց ցեղասպանությունը՝ առաջարկելով խնդիրն ուսումնասիրել պատմաբանների մակարդակով: Ամերիկայի Հայ դատի հանձնախմբի նախագահ Քեն Խաչիկյանի խոսքով՝ Հայոց ցեղասպանության հարցը բանավեճի առարկա չէ, քանի որ պատմաբաններն իրենց խոսքը վաղուց ասել են:
«Միացյալ Նահանգները՝ որպես մարդու իրավունքների պաշտպանության և բարոյական արդարադատության առաջնորդ, պետք է ճանաչի Հայոց ցեղասպանությունը», – շեշտեց Խաչիկյանը:
Կարդացեք նաև
Արման Թարջիմանյան
Նյութի մանրամասները կարդացեք «Ամերիկայի Ձայն»-ի կայքում
