«Ցեղակրոն» կուսակցության նախագահ Շանթ Հարությունյանի եւ ընկերների գործով ազատազրկվածների հարազատներն այսօր «Նուբարաշեն» քրեակատարողական հիմնարկի դիմաց սպասում էին Սեւակ Մնացականյանի ազատ արձակմանը: Նրան բոլորը հերթով ողջագուրվեցին, ոմանք լացում էին:
Սեւակ Մնացականյանը 2013 թվականի նոյեմբերի 5-ի գործով մեկուկես տարվա ազատազրկման էր դատապարտված:
Սեւակ Մնացականյանի հոր` Բախշիկ Մնացականյանի խոսքով, իր որդու ազատ արձակմամբ իր ուրախությունը լիարժեք չէ. «Ուրախությունը քիչ է, որովհետեւ տղերքը ներսում են: Մեր ուրախությունը լիարժեք չի լինում»:
Նույն գործով ազատազրկման դատապարտվածներից մեկի կինն էլ շարունակեց. «Անկախ նրանից, որ մեր տղաները ներսում են, Սեւակի ազատությունը մեզ համար հաղթանակի սկիզբն է: Ազատություն քաղբանտարկյալներին ու մեր հայրենիքին: Մեր տղաների ուզածն այն է, որ Հայաստանը դառնա այնպիսի երկիր , որ հայի տեսակը չցանկանա մեր երկրից դուրս գա»:
Կարդացեք նաև
Արփինե ՍԻՄՈՆՅԱՆ