Այսօր լրագրողների հետ զրույցում ԱԺ պատգամավոր, ՀՀ նախկին արտգործնախարար Ալեքսանդր Արզումանյանն անդրադարձավ ՀՀ ԱԺ նախագահ Գալուստ Սահակյանի եւ Հարավային Օսեթիայի խորհրդարանի նախագահ Անատոլի Բիբիլովի հանդիպմանը:
Հարցին՝ այդ հանդիպումն ընդհանրապես արժե՞ր՝ նա պատասխանեց. «Եթե ես լինեի, գուցե չհանդիպեի: Ես տեղյակ չեմ հանդիպման մանրամասներին, գիտեմ, որ Ղարաբաղում Օսեթիայի ներկայացուցիչներ կային»:
Ալեքսանդր Արզումանյանը հույս հայտնեց, որ դա չի անդրադառնա հայ-վրացական բարեկամական հարաբերությունների վրա: Հարցին՝ այդ հանդիպման մեջ տեսնո՞ւմ եք ՌԴ-ի հետքը՝ հնարավո՞ր է ՌԴ-ն հրահանգել է ընդունել Օսեթիայի ներկայացուցիչներին՝ Ալեքսանդր Արզումանյանը պատասխանեց. «ՌԴ-ի հետքը եւ ականջները տեսնում ենք ամենուր եւ ամեն հարցում: Չեմ կարծում, որ պետք է շատ սեւեռվել այդ հանդիպման վրա: Բացատրություններ եղան եւ կարող է իրոք մասնավոր, անձնական խնդիրներ են եղել, որոնք քննարկել են»:
Հռիփսիմե ՋԵԲԵՋՅԱՆ
