ՀՀ ոստիկանապետ Վլադիմիր Գասպարյանն անդրադառնալով այն հարցին, թե օրե՞նքն է թույլ, թե՞ Սյունիքի մարզպետի ընտանիքը, որ նրանց մասնակցությամբ մեկ միջադեպին հաջորդում է մյուսը, հայտարարեց. «Դուք մտածում եք, որ եթե ինչ-որ մեկին չեն նստացրել, չեն դատել, ուրեմն օրենքը չի՞ աշխատում: Ո՛չ օրենքն է թույլ, ո՛չ մյուսը: Օրենքը աշխատում է այնպես, ինչպես պետք է աշխատի: Օրենքը չունի զգացմունքային պահեր` այս մեկը դուրդ գալիս է, մյուսը դուրդ չի գալիս: Կա օրենք՝ խախտել է օրենքը, պատժվում է, չի խախտել, ազատ է արձակվում: Բարոյական կողմը դա բոլորինս է` հասարակությանն է»:
Հարցին, թե ինչպե՞ս կմեկնաբանեք տեսակետը, որ Հայաստանում հանցավոր իրավիճակը սրվել է և որ ինքը զիջել է դիրքերը, Վլադիմիր Գասպարյանը պատասխանեց. «Ես զիջող մարդու նմա՞ն եմ: Ես նմա՞ն եմ զիջող մարդու»:
Դիտարկմանը, որ քրեական հեղինակությունների միջև պայքարը վերջին շրջանում Հայաստանում ավելացել է՝ ՀՀ ոստիկանապետն այսպես արձագանքեց. «Բոլոր ժամանակներում այդ պայքարը եղել է և կա: Ուղղակի այստեղ ինչո՞ւ է այսպիսի դրսևորում ստանում: Ինչ-որ կապեր կան ինչ-որ մարդկանց հետո, և դրանով դառնում է աղմկահարույց»:
Մանրամասները՝ ԳԱԼԱ հեռուստաընկերության տեսանյութում
