Բաղրամյան պողոտայում գտնվող «Ոչ թալանին» շարժման մասնակիցները հրապարակավ ընթերցեցին կառավարության այսօրվա նիստում Հովիկ Աբրահամյանի ելույթի տեքստը, որում վարչապետը հիմնավորել է էլեկտրաէներգիայի սակագնի թանկացման պատճառները, նշել ազգաբնակչության սոցիալապես անապահով խմբի համար սուբսիդավորման աջակցության որոշման մասին կազմած նախագծի մասին, որն այսօր մտցվեց օրակարգ:
Վարչապետի ելույթի այն հատվածները, որտեղ նա հիմնավորում է էլեկտրաէներգիայի սակագնի թանկացման որոշում կայացնելու օբյեկտիվ պատճառները, շարժման մասնակիցներն ընդունեցին ծիծաղով ու «Որոշողը մենք ենք» վանկարկելով՝ մեկ անգամ եւս վերահաստատեցին, որ պայքարը չեն դադարեցնելու՝ մինչեւ հասնեն իրենց պահանջի արդարացի լուծմանը:
Աշոտ ՀԱԿՈԲՅԱՆ
