«Ոչ թալանին» շարժման մի մասն ընտրեց Ազատության հրապարակը: Սակայն Բաղրամյան պողոտայում էլ բավական շատ ցուցարարներ են մնացել: Այստեղ շարունակվում են ելույթները:
Ելույթ ունեցողներից մեկը քննադատեց Վաղինակ Շուշանյանին՝ հիշեցնելով, որ դեռ առավոտյան նա ասում էր, թե կենթարկվի մեծամասնության որոշմանը. «Ի՞նչ եղավ հիմա»:
«Չեղարկում, ոչ թե կասեցում»,- վանկարկում են հավաքվածները:
Բաղրամյան պողոտայում են «Քաղաքացիական պայմանագիր» կուսակցության անդամներ Նիկոլ Փաշինյանը, Ալեն Սիմոնյանը, Սասուն Միքայելյանը:
Կարդացեք նաև
Ոստիկանությունը լրացուցիչ ուժեր է կենտրոնացրել Բաղրամյան պողոտայում:
Այս պահին հայտարարություն է հրապարակում Երեւանի փոխոստիկանապետ Վալերի Օսիպյանը. «Այն քաղաքացիներին, ովքեր մնացել են այստեղ՝ կոչ ենք անում անհապաղ դադարեցնել անօրինական գործողությունը, այլապես ոստիկանությունը կդադարացնի: Ստիպված կլինենք կիրառել ֆիզիկական ուժ»:
Նա նաեւ խնդրեց լրագրողներին չխոչընդոտել ոստիկանության գործողություններին:
