ԵՊՀ իրավագիտության ֆակուլտետի դասախոս, իրավաբանական գիտությունների թեկնածու Ռուստամ Մախմուդյանի կարծիքով՝ նոր Սահմանադրությունը, հաջորդելով 1995-ին ընդունված մեր Սահմանադրությանը, դարձել է առավելապես մարդակենտրոն։
Նա այս նախագծում ինչպես դրական, այնպես էլ խնդրահարույց կետեր է նկատել։ Դրականներից մատնանշեց այն, որ 3-րդ հոդվածով մարդու եւ քաղաքացու հիմնական իրավունքների եւ ազատությունների հարգումն ու պաշտպանությունը հանրային իշխանության պարտականությունն է։
«Նաեւ մի շատ կարեւոր հանգամանք կա, այն բոլոր հարցերը, որոնք որ Սահմանադրությամբ մատնանշվում էին ինստիտուցիոնալ առումով, դրանց լուծումը պիտի տրվի օրգանական օրենքներով»,- ասաց նա։
Ինչ վերաբերում է խնդրահարույց կետերին, ապա 101-րդ հոդվածով խորհրդարանը պատգամավորների ընդհանուր թվի 1/5-ի կամ կառավարության առաջարկությամբ պատգամավորների ընդհանուր թվի ձայների մեծամասնությամբ կարող է անցկացնել փակ նիստ։ Սա նրա համար տարօրինակ է եւ անընդունելի, նաեւ մի քիչ վիճահարույց, որովհետեւ կարծում է, որ պատգամավորների ընդամենը 20 տոկոսի որոշմամբ նիստերը դռնփակ անցկացնելը «հետագայում շահարկումների տեղիք է տալու»։
Կարդացեք նաև
Ռուստամ Մախմուդյանը, հանդիսանալով Հայաստանում ազգային փոքրամասնությունների՝ եզդիական համայնքի ներկայացուցիչ, նախագծում մի կարեւոր դրական քայլ էլ մատնանշեց. «Պատմության մեջ առաջին անգամ սահմանադրական ամրագրում ստացավ ազգային փոքրամասնությունների ներկայացուցիչներին խորհրդարանում քվոտա հատկացնելը»:
Վահե ՄԱԿԱՐՅԱՆ
Հոդվածն ամբողջությամբ կարող եք կարդալ «Հրապարակ» թերթի այսօրվա համարում