Ազատվել կնճիռներից` առանց մեծ գումար եւ ժամանակ վատնելու
Կնճիռները կնոջ ծերացման, մաշկի չորության եւ խնամված չլինելու հիմնական նշաններն են, ուստի յուրաքանչյուր կին պետք է հնարավորինս երկար պահի իր գրավչությունը: Կանայք միշտ իրենք իրենց հարց են տալիս, թե տան պայմաններում կնճիռների դեմ պայքարելու ինչպիսի միջոցներ կան: Նման կանայք, որոնք ցանկանում են ոչ միայն հոգով, այլեւ արտաքնապես ավելի երիտասարդ տեսք ունենալ, պետք է հետեւեն մի քանի հեշտ եւ արդյունավետ մեթոդների՝ քսուքներ, մերսում եւ ճիշտ սննդակարգ:
Բնավ պարտադիր չէ գեղեցիկ եւ խնամված արտաքին ունենալու համար ձեռք բերել թանկարժեք կոսմետիկ միջոցներ կամ այցելել գեղեցկության սրահներ:
Անհրաժեշտ է ամեն երեկո համապատասխան հատվածները մերսել: Բայց մինչ այդ` նախ հիշեք մարմնի ջրի հաշվեկշիռը պահելու մասին: Կնճիռների դեմ մերսման համար ամենալավ յուղերը համարվում են կոկոսինը եւ նուշինը: Եթե ձեզ անհանգստացնում են աչքերի շուրջն առկա կնճիռները, ապա քնելուց առաջ մերսեք նաեւ գերչակի յուղով:
Բացի մերսումից` պետք է նաեւ դիմակներ դնել: Արդյունավետ է մեղրով, նուշի յուղով եւ վարդի յուղով դիմակը, որը պետք է դեմքին պահել 30 րոպե եւ լվանալ տաք ջրով:
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ» օրաթերթ
23.07.2015
