Հայաստանի Հանրապետության կառավարության 2015 թվականի հունիսի 25-ի N 708-Ա որոշման 1-ին կետի համաձայն՝ այն տրանսպորտային միջոցները, որոնց համար երբևէ չի կնքվել ավտոտրանսպորտային միջոցների օգտագործումից բխող պատասխանատվության պարտադիր ապահովագրության պայմանագիր, և այդ տրանսպորտային միջոցով կատարված` Վարչական իրավախախտումների վերաբերյալ Հայաստանի Հանրապետության օրենսգրքի 129.2-րդ հոդվածի 1-ին մասով նախատեսված իրավախախտումից բացի որևէ այլ իրավախախտման դեպք 2011 թվականի հունվարի 1-ից հետո չի արձանագրվել, համարվել են 2010 թվականի դեկտեմբերի 30-ի դրությամբ խոտանված և հանվել են տրանսպորտային միջոցների սեփականության իրավունքի պետական գրանցման և պետական հաշվառման (վերահաշվառման) համակարգչային շտեմարանի գործող հատվածից:
Նույն որոշման 4-րդ կետի 1-ին ենթակետի համաձայն՝ խոտանված տրանսպորտային միջոցների համարանիշերի ցանկը զետեղվել է (հրապարակվել է) Հայաստանի Հանրապետության ոստիկանության պաշտոնական www.police.am կայքի ԽՈՏԱՆՎԱԾ ՏՐԱՆՍՊՈՐՏԱՅԻՆ ՄԻՋՈՑՆԵՐ բաժնում:
ՈՒՇԱԴՐՈՒԹՅՈՒՆ
Նշված ցանկում ընդգրկված համարանիշերով տրանսպորտային միջոցներ տիրապետող կամ օգտագործող անձանց հորդորում ենք Վարչական իրավախախտումների վերաբերյալ Հայաստանի Հանրապետության օրենսգրքով նախատեսված պատասխանատվության միջոցներից խուսափելու նպատակով Ձեզ մոտ գտնվող համարանիշերը հանձնել Ճանապարհային ոստիկանության մոտակա (ցանկացած) հաշվառման-քննական ստորաբաժանում:
Կարդացեք նաև
Վերը նշված գործընթացի հետ կապված հարցերով քաղաքացիները կարող են զանգահարել 010 (կամ 011) 56-45-88 հեռախոսահամարով:
Ճանապարհային ոստիկանություն
Կրկին հարցերը կիսատ են լուծում, քանի որ հաշվի են առնում միայն ԱՊՊԱ-ի հետ կապված խնդիրները:Բայց կան այնպիսի անպատասխանատու մարդիկ, որոնք նման իրավիճակում իրենց ստոր են պահում: Նրանք վճարում են ԱՊՊԱ-ի համար, բայց չեն վճարում գույքահարկի համար ու պարտքեր առաջացնում ավտոմեքենայի նախկին սեփականատիրոջ անունով: Նրանք հրաժարվում են անվանափոխել ու ոստիկանությունը նման իրավիճակներում իրեն պահում է շատ պասիվ՝ չլուծելով առջացած հարցերը: Նրանք ասում են , որ զբաղվում են միայն ԱՊՊԱ-ի հարցերով, իսկ գֆույքահարկը իրենց չի հետաքրքրում: Անբարեխիղճ նման վարորդները փորձում են օգտվել նման իրավիճակից, բայց դա իրենց մոտ չի ստացվում, քանի որ առկա է առուվաճառքի պայմանագիրը: Բոլոր դեպքերում նման հարցերին պետք է լուծում տալ հարգելի ոստիկանություն: Մեր նամականերին ու զանգերին տալիս եք մակերեսային պատասխաններ ու հարցը չեք լուծում: