«Առավոտը» «Իրավունքի եւ ազատության» հասարակական կազմակերպության նախագահ Վարդան Հարությունյանին հարցրեց` այս օրերին Վենետիկի հանձնաժողովի փորձագետների հետ տարբեր հանդիպումներ եւ քննարկումներ են լինում: Խոսակցություններ են շրջանառվում, որ կայուն մեծամասնության եւ խորհրդարանական ընտրություններին վերաբերվող վիճելի երկու դրույթները հնարավոր է հանվեն կամ էական փոփոխությունների ենթարկվեն, մանավանդ, որ դրանք մեր ընդդիմադիրներին էլ դուր չեն գալիս. թե նման փոփոխություններ լինեն, արդարացված կարելի՞ է համարել բարեփոխումների այս գործընթացը:
«Ցանկացած դեպքում սահմանադրական այս փոփոխություններն անընդունելի են: Նման փոփոխություններ ընդհանրապես չպետք է նախաձեռնվեին: Որեւէ մեկը դեռ չի կարողացել հիմնավորել այս փոփոխությունների անհրաժեշտությունը»,- ասաց Վարդան Հարությունյանը:
«Առավոտ» օրաթերթ
25.08..2015
