Ռուսաստանցիների կեսը Աբխազիան եւ Հարավային Օսիան ընդունում են որպես անկախ պետություններ: Նույնքանն էլ կարծում է, որ այդ հանրապետությունները, ինչպես նաեւ Մերձդնեստրը ՝պետք է պաշտոնապես անկախ կարգավիճակ ունենան: Այս մասին «Intefax»-ին հայտնել են «Լեւադա» կենտրոնից:
Օգոստոսի 21-ից 24-ը Ռուսաստանի 46 շրջանների 800 բնակիչների շրջանում անցկացված հարցումների համաձայն՝ գրեթե ամեն երկրորդը (47%) Հարավային Օսիան անկախ պետություն է տեսնում: Նմանատիպ ցուցանիշ կա նաեւ Աբխազիայի դեպքում՝ 49%:
Հարցմանը մասնակցած մարդկանց համապատասխանաբար 10%-ը եւ 9%-ը կարծում են, որ Հարավային Օսիան եւ Աբխազիան Վրաստանի մաս են կազմում: Ամեն 5-րդ մարդը (21%) Հարավային Օսիան ընդունում է որպես Ռուսաստանի մաս, 20%-ն էլ Աբխազիան: Հարցվածների 22%-ը եւ 21%-ը դժվարացել են պատասխանել:
Կենտրոնի աշխատակիցները նաեւ հետաքրքրվել են Լեռնային Ղարաբաղի ճակատագրով: Հարցվածների 42%-ը կարծում է, որ Լեռնային Ղարաբաղը պետք է անկախ կլինի: Ամեն 10-րդ մարդը (10%) առաջարկել է, որ ԼՂ-ն պետք է հանձնվի Ադրբեջանին, 9%-ն էլ վստահ է, որ այն պետք է Հայաստանինը լինի: Հարցվածների 39%-ը դժվարացել են պատասխանել:
Կարդացեք նաև
Պատրաստեց Աշոտ ԻՍՐԱԵԼՅԱՆԸ
