Այսօր Գյումրու «Ջազ» ակումբում սեպտեմբերի 21-ին վաստակավոր արտիստի կոչում ստացած սիրված երգչուհի Էռնա Յուզբաշյանից լրագրողները մեկ անգամ եւս հետաքրքրվեցին, թե ինչպես է վերաբերում ռաբիզ երգիչ Արմենչիկի վաստակավոր արտիստի կոչում ստանալուն:
«Ինձ թվում է, այդ թեման արդեն փակված է: Գիտեք ինչ, ճաշակին ընկեր չկա, ես չեմ թաքցնում, ես ռաբիզ սիրում եմ, լավ ռաբիզը լսում եմ, դուք հարսանիքներին ի՞նչ տակ եք պարում, ուրախանում»,-հարցրեց երգչուհին: Հարցին պատասխանեց նրա կողքին նստած պրոդյուսերը` Էմիլ Կարատը, նստած տեղից բացականչեց. «Սիրո գիշերվա»: Երգչուհին շարունակեց. «Կարող է փեսայի, հարսի առաջին պարը լինել «Սիրո գիշեր», բայց ինքը իր լսարանն ունի, ես վատ չեմ նայում:
Գիտեք ինչ, մի բան ասեմ, ավելի վատ տարբերակներ կային, հիմա ես չեմ թվարկի, ովքեր որ վաստակավոր են էսօր: Էսօրվա օրով Արմենչիկը մեծ լսարան է հավաքում, գալիս է Երեւան, համալիրում լիքը դահլիճ է լցվում, երեւի հենց այնպես չեն տվել կոչումը, վերջիվերջո ինչքան կարել է դրա մասին խոսել, արդեն հետաքրքիր չէ: Թո՛ղ ապրի էդ տղան, հիմա տվել են, թո՛ղ ուրախանա, ով որ չի սիրում նրան, թո՛ղ զուսպ մնա, ով որ սիրում է, թո՛ղ նրա հետ ուրախանա: Ես վատ չեմ զգում, ինձ բացարձակ չի հուզում»:
Կարդացեք նաև
Նունե ԱՐԵՎՇԱՏՅԱՆ
