«Նոր Հայաստան» շարժման ակտիվիստներն ու համակիրներն այսօր Շենգավիթ վարչական շրջանում են իրականացրել սահմանադրական փոփոխությունների հանրաքվեի ոչ-ի քարոզը: Նրանք թռուցիկներ էին բաժանում անցորդներին, կոչ անում դեկտեմբերի վեցին ոչ ասել սահմանադրական փոփոխություններին:
«Կոչ ենք անում բոլորին դեկտեմբերի մեկին այցելել հանրապետության հրապարակ, որտեղից սկիզբ կառնեն քաղաքացիական անհնազանդության գործողություններ եւ չեն ավարտվի քանի դեռ չենք ձերբազատվել մեր երկրում հանցավոր իշխանություններից, նրանց կազմակերպած սահմանադրական փոփոխություններից: Միացեք համազգային հավաքին ու համատեղ դուրս շպրտենք մեր երկրից հանցավոր իշխանություններին ու նրանց կազմակերպած սահմանադրական փոփոխությունները: Նրանք փորձում են այս փոփոխություններով իրենց իշխանությունը հավերժացնել»,- ակցիայի ժամանակ հայտարարում էր Գեւորգ Սաֆարյանը:
Արփինե ՍԻՄՈՆՅԱՆ
