Փաստաբանների պալատի խոսնակ Հայկ Հակոբյանը դեռ չի ստացել իր դեմ փաստաբան Լուսինե Սահակյանի ներկայացրած քաղաքացիական հայցի օրինակը:
Մեր հարցին, թե պատրա՞ստ է ներողություն խնդրել, հերքել մամուլով տարածված հրապարակումների համար, Հայկ Հակոբյանն ասաց. «Այս մասին այս պահին ոչինչ չեմ կարող ասել, որովհետեւ դեռ չեմ ստացել քաղաքացիական հայցի օրինակը, երբ որ ստանամ, կհասկանամ՝ պատրա՞ստ եմ ներողություն խնդրել, թե՝ ոչ կամ ինչ պետք է անեմ, ինչ չանեմ»:
Հիշեցնենք, որ Լուսինե Սահակյանը քաղաքացիական հայց է ներկայացվել Արա Զոհրաբյանի ու պալատի խոսնակ Հայկ Հակոբյանի դեմ կապված Փայլակ Ֆահրադյանի մատնանշած հոդվածների ու այլ հրապարակումների հետ: Իսկ Փայլակ Ֆահրադյանը հայտարարել էր, որ փաստաբաններ Լուսինե Սահակյանի եւ Երվանդ Վարոսյանի դեմ, Փաստաբանների պալատի նախագահն ու նրա մամուլի քարտուղարը պատվիրված հոդվածներ են տարածել:
Հայկ Հակոբյանն ասաց, որ այդ էջը փակել է.«Բավականին շահարկվել է այդ հարցն արդեն էր: Պալատում Վարույթ է հարուցվել, նկատողություն եմ ստացել: Անիմաստ եմ համարում դրա մասին խոսել»:
Կարդացեք նաև
Արփինե ՍԻՄՈՆՅԱՆ
