Տավուշի մարզի սահմանամերձ Մովսեսի գյուղապետ Արարատ Ավալյանը երեկ ասել է, թե իրենք «դիմացից չեն վախենում, թիկունքից են վախենում»:
– Թիկունքի ինչի՞ց եք վախենում։
– Նրանից ենք վախենում, որ այդտեղ, հրապարակներում, ասում են՝ լավ չենք ապրում։ Երեւան ենք մտնում, խորհրդային մեքենա չկա, լրիվ ֆիրմա մեքենաներ են քշում ու դժգոհում են, ասում են վատ ենք ապրում։ Եկեք, այստեղ ապրեք, տեսեք վատը որտեղ է։ Չնայած մենք չենք դժգոհում մեր ապրուստից, բայց համեմատության համար թող գան, տեսնեն այստեղ իրավիճակը ոնց է, մարդիկ ոնց են աշխատում ու հետո պահանջներ դնեն։ Այսօր մարդիկ չգիտեն՝ սահմանն ինչ է, սահմանային կրակոցն ինչ է, մարդիկ ոնց են 25 տարի այստեղ ապրում։
– Փաստորեն, ձեր մտահոգությունները հասարակական-քաղաքական դաշտում կատարվող իրադարձություննե՞րն են եւ ոչ հակառակորդի կրակոցները։
Կարդացեք նաև
– Իհարկե։ Այսօր հաստատ գիտենք, որ 25 տարի է՝ պատերազմի մեջ ենք, իսկ այսօր մարդիկ ուրիշ բաների են ձգտում։ Եկեք հարեւանի հետ մեր խնդիրները լուծենք, հետո նոր մեր ընտանեկան խնդիրները լուծենք։ Հարեւանը չգիտենք գլխներիս ինչ օյին կբերի։
Ներսում դրել ենք՝ մենք մեզ ենք «ուտում», ինչի՞համար։ Ես անկուսակցական եմ, բայց քաղաքական վայրիվերումներն ինձ դուր չեն գալիս։ Ուզո՞ւմ եք երկիր սարքել՝ համախմբվեք, սարքեք, չե՞ք ուզում՝ խնդիրը ձերն է, մենք այստեղ ապրելու ենք։
Տիրայր ՄՈԻՐԱԴՅԱՆ
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում
