Այսօր «Նոյյան Տապան» մամուլի սրահում անհատ տաքսու վարորդ Հմայակ Բաբայանը չնայած իր գոհունակությունը արտահայտեց, որ շուրջ 1 տարի առաջ լիցենզավորման կարգ է փոխվել`դեղին պետհամարանիշները փոխարինեցին սպիտակներով, բայց, այնուամենայնիվ, իր դժգոհությունը արտահայտեց, որ առ այսօր գրեթե հավասար չափի չլիցենզավորված մեքենաներ են քաղաքում աշխատում եւ խանգարում իրենց աշխատանքին:
«Եթե ես դիմեմ ինչ որ աշխատանքի`տարիքային խնդիր կա, չեն ընդունում: Ես ստիպված ինչ-որ միջոցներով ձեռք եմ բերել մեքենա եւ աշխատում եմ, այն էլ օրինական ձեւով: Իսկ մարդիկ կան, որ աշխատում են բանկում, բայց ազատ ժամանակ ինձ հետ միասին տաքսի են քշում»,- նշեց պարոն Բաբայանը:
Նա ասաց նաեւ, որր կապի եւ տրանսպորտի նախարարությունը հսկողության տակ պիտի վերցնի անօրինական տաքսու վարորդներին:
Հմայակ Բաբայանը ավելացրեց, որ շուրջ 13 տարի նա տաքսի է վարում, որը աշխատանքային ստաժ չի համարվում.վ«Դեղին համարանիշներով, երբ որ աշխատում էինք՝ այդ ժամանակ կար նաեւ 5 հազար ամսական, բացի հաստատագրված գումարը, վճարում էինք, հետո ասացին` կարաք չվճարեք: Ճիշտն ասած, մտքներով չի անցել, որ հենց այդ ժամանակ հարցը բարձրացենք: Տեսնում ես՝ տարիքդ մոտենում է թոշակին, սկսում ես մտածել»,-ասաց պարոն Բաբայանը:
Կարդացեք նաև
«Քաղաքացիական Դիրքորոշում» ՀԿ նախագահ Գեւորգ Դոստուրյանը նշեց, որ այսօր քաղաքում օրինական տաքսիները հաշվվում են մոտ 8 հազար հատի չափով, իսկ անօրինական տաքսիները, ըստ պարոն Դոստորյանի, ավելի շատ են:
Անուշ ՄԱԹԵՎՈՍՅԱՆ
Լուսանկարը` «Նոյան Տապան» լրատվական կենտրոնի
