ՀՀ ոստիկանությունն առաջարկում է քրեական պատասխանատվություն սահմանել անչափահասների նկատմամբ սեռական ոտնձգություններ կատարողների նկատմամբ՝ բացառելով հաշտվելու կամ գործուն զղջալու հիմքով պատասխանատվությունից ազատումը։ Նախագիծը խորհրդարանում այսօր ներկայացրեց ՀՀ ՆԳ փոխոստիկանապետ Արմեն Մկրտչյանը։
Նախագծով առաջարկվում է արգելել քրեական պատասխանատվությունից ազատումը՝ հաշտվելու կամ գործուն զղջալու հիմքով, նրանց նկատմամբ, ովքեր հանցագործություն են կատարել մինչեւ 16 տարեկան երեխայի սեռական անձեռնմխելիության եւ սեռական ազատության դեմ։
Երեխային կամ անօգնական կարգավիճակում գտնվողին շահագործման կամ թրաֆիքինգի ենթարկող մարդը նույնպես չի կարող ազատվել քրեական պատասխանատվությունից՝ գործուն զղջման հիմքով։
Քրեական պատասխանատվություն է սահմանվում նաեւ պոռնկությամբ զբաղվող երեխաների ծառայություններից օգտվողների համար։ Առավել ծանր պատասխանատվություն է սահմանվում այն դեպքերի համար, երբ անձն օգտվում է 12-16 տարեկան տուժողի այդպիսի ծառայություններից։
Կարդացեք նաև
Մանրամասները՝ տեսանյութում
Ամբողջական տեսանյութը՝ այստեղ
Նելլի ԳՐԻԳՈՐՅԱՆ



















































