Ադրբեջանը ՆԱՏՕ-ի հուսալի դաշնակիցն է: Այս մասին, ինչպես հաղորդում է minval.az-ը, Բաքվում լրագրողներին ասել է ՆԱՏՕ-ի գլխավոր քարտուղարի՝ Հարավային Կովկասի և Կենտրոնական Ասիայի հարցերով հատուկ ներկայացուցիչ Ջեյմս Ափաթուրայը:
Նրա խոսքով՝ Ադրբեջանը, մասնավորապես, էներգետիկ անվտանգության տեսանկյունից ռազմավարական նշանակություն ունի ՆԱՏՕ-ի համար:
Ափաթուրայը նշել է, որ ինքը հանդիպել է Ադրբեջանի ղեկավարության հետ և շնորհակալություն հայտնել այն ներդրման համար, որ ունի այդ երկիրը կողմերի միջև համագործակցության գործում:
«Մենք հետևողականորեն աշխատել ենք, որպեսզի երկրին խորհրդատվություն և տեխնիկական աջակցություն տրամադրենք ռազմական բարեփոխումներում, ինչպես նաև օգնում ենք երկրի ռազմական ուժերին դառնալ առավել արդյունավետ»,- ասել է Ափաթուրայը:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
