Փորձեցինք «Քաղաքացիական պայմանագիր» կուսակցությունից տեղեկանալ՝ արդեն որոշում կա, մասնակցելու են հանրահավաքին, միաժամանակ տեղեկացանք, որ ի սկզբանե կազմակերպիչները ելույթների մասով այլ ծրագիր են ունեցել։
Հարցերին պատասխանեց կուսակցության վարչության անդամ, ՔՊ խոսնակ Ալեն Սիմոնյանը. «Ներկա ենք գտնվելու՝ չենք մասնակցելու։ Ելույթ մեր կողմից չի լինելու, մեկնաբանությունները թող կազմակերպիչները տան, թե ինչու ելույթ չի լինելու։ Մենք համաձայն ենք եղել առաջնային առաջարկին՝ ելույթ ունենալ, այդ որոշումը կազմակերպիչները փոխել են։ Մենք դրանից հետո պնդել ենք, որ, այնուամենայնիվ, ցանկանում ենք ելույթ ունենալ, իրենք մերժել են։ Դա արվել է մեզ առաջարկելուց հետո, ես անձամբ տեղ ունեմ մտածելու, որ դա արվել է հատուկ, որպեսզի Նիկոլ Փաշինյանը ելույթ չունենա։ Դա իմ անձնական կարծիքն է, ես կարծում եմ, որ դա եղել է ՀԱԿ-ի հետ քննարկումներից հետո կայացված որոշում, որպեսզի որեւիցե մեկը չնեղանա, այսպես ասած՝ միեւնույն ժամանակ հնարավոր լինի սահմանափակել։ Ես հիմքեր ունեմ այդպես մտածելու»:
Սիրան ՀՈՒՆԱՆՅԱՆ
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
