2008-ի Մարտի 1-ի ելույթներում այն ժամանակվա ՀԱԿ դաշինքի անդամները ոգեւորված գոռում էին՝ էս գարունը մե՛նք ենք ձեզ բերել, ժողովուրդ: Երեկ «Առավոտը» «Հանրապետություն» կուսակցության նախագահ Արամ Սարգսյանին հարցրեց՝ այդ գարունը կարո՞ղ եք նորից բերել ժողովրդին, ու այդ ոգեւորությունը նորից ժողովուրդը կապրի՞: Նա պատասխանեց. «Վստահաբար, այո: Գարունը միշտ գալիս է:
Գարնան այս օրը ինձ համար երկակի նշանակություն ունի: Էս օրը իմ եղբայրը՝ Վազգենը, միշտ տուն է եկել Աշտարակի ձորից՝ ձնծաղիկներ հավաքած, որը նվիրել է իմ մորը, իր հարսներին, տան աղջիկներին: Էսօր ուրախության օր է եղել: Մեր տան մեջ, որ եղբայրս չկա, տխուր է, բայց միեւնույն է՝ ծաղիկների կարիքը կա, ու այսօր տղաս է բերում: Այնպես որ՝ միշտ կա երիտասարդություն, որը օրինակ է վերցնում, գարուն է տեսնում, սիրահարվում է, ամուսնանում է, երեխաներ է ունենում… էս չի՛ կանգնելու: Իհարկե, էս երկիրն էսպես չի մնալու»:
Լուսանկարը՝ ՀՌԻՓՍԻՄԵ ՋԵԲԵՋՅԱՆԻ
Կարդացեք նաև
«Առավոտ» օրաթերթ
02.03.2016