«Հետաքրքիր ժողովուրդներ կան: Դա երեխաների մոտ է լինում։ Փոքր երեխաների մոտ տեսե՞լ եք չէ, ոնց են ինքնահաստատվում։ Առաջին հերթին հակադրվելով։ Այ Ռուսաստանի քաղաքականությունը դա է հիշեցնում»,- «Հայելի» ակումբում ասաց «Մոդուս Վիվենդի» կենտրոնի ղեկավար Արա Պապյանը։
Նա անիմաստ եւ անհեռանկարային որակեց Ռուսաստանի հակադրությունն Արեւմուտքին. «Բայց եթե Ռուսաստանը չհակադրվի, նա կդառնա Արեւմուտքի երկրներից մեկը։ Ռուսաստանը չի ուզում դառնա դրանցից մեկը։ Նա ուզում է առանձին բեւեռ դառնալ այդ հակադրության շնորհիվ»։
Դեռեւս պարզ չէ, արդյոք Ռուսաստանին կհաջողվի իրականացնել այդ ցանկությունը, թե ոչ. «Ռուսաստանն էլ իր ամենամեծ խնդիրն ունի։ Դա ոչ միայն Իսլմական աշխարհն է, այլ հատկապես՝ Չինաստանը։ Չմոռանանք, որ այսօր հեռավոր Արեւելքից տեղի է ունենում ռուս բնակչության արտահոսք դեպի եվրոպական մաս։ Սողացող չինացում է տեղի ունենում»։
Ըստ Արա Պապյանի՝ այս հարցերը շատ կարեւոր են Հայաստանի համար, որովհետեւ մեր երկրի վիճակը կախված է Ռուսաստանից. «Տեսեք, Ռուսաստանում տնտեսական վիճակը վատացավ, իսկույն մեզ վրա դա անդրադարձավ»։
Կարդացեք նաև
Աշոտ ԻՍՐԱԵԼՅԱՆ
Իսկ երբ վատանում է ԱՄՆ-ի կամ արեւմտյան երկրների տնտեսությունը, դա չի՞ ազդում աշխարհի վրա: