ԱԳ նախարար Էդվարդ Նալբանդյանը ցավակցական հեռագիր է հղել Գերմանիայի արտգործնախարար Ֆրանկ-Վալտեր Շտայնմայերին՝ երկրի նախկին ԱԳ նախարար Գիդո Վեստերվելլեի մահվան կապակցությամբ։
«Խոր ցավով տեղեկացա Գիդո Վեստերվելլեի վաղաժամ մահվան մասին, ով որպես Գերմանիայի դաշնային արտգործնախարար իր կարևոր ներդրումն է ունեցել հայ-գերմանական հարաբերությունների զարգացման գործում: Ջերմ հիշողություններ եմ պահպանում նրա հետ մեր հանդիպումներից և անկեղծ քննարկումներից:
Ցանկանում եմ իմ խորին ցավակցությունը հայտնել պարոն Վեստերվելլեի՝ վշտի մեջ գտնվող ընտանիքին և բոլոր նրանց, ովքեր սգում են նրա կորուստը», – ասված է Էդվարդ Նալբանդյանի հեռագրում։
ՀՀ ԱԳՆ
