Նախօրեին ԱԺ պատգամավոր Սամվել Ալեքսանյանն այցելել է զինվորական հոսպիտալ. «Գնացի, վիրավորներին տեսա: Էդ ասելու բան չի, ինչ պետք ա ընդեղ, ես արել եմ»: Սամվել Ալեքսանյանը վիրավոր զինվորների ծնողներին մխիթարել է, նրանց աջակցություն տրամադրել:
Լրագրողները պատգամավորից հետաքրքրվեցին՝ Դուք ընդհանրապես ի՞նչ եք մտածում այս պատերազմի մասին: Նա պատասխանեց. «Ես մտածում եմ, որ պատերազմ չլինի»:
Aravot.am-ի հարցին՝ երեկ ԱԺ-ից պատգամավորները կոչեր հղեցին, որ Ալիեւի ականջները պետք է կտրել, նրան կանգնեցնել միջազգային դատարանի առաջ, Դուք միանո՞ւմ եք այդ կոչերին՝ նա պատասխանեց. «Մեր պատգամավորները ինչ ասում են՝ ես միանում եմ»:
Թե ինչպե՞ս կվարվեր անձամբ Սամվել Ալեքսանյանը, եթե Ալիեւը ընկներ նրա ձեռքը՝ նա պատասխանեց. «Թողեք էդ հետո»:
Կարդացեք նաև
Ղարաբաղյան հարցի մասին ի՞նչ պատկերացումներ ունեք հարցին՝ նա պատասխանեց. «Մեր նախագահը գիտի, նախագահի որոշումներին ես վստահում եմ»:
Հարցին՝ Դուք ձեր որդիներին կուղարկե՞ք բանակ՝ Սամվել Ալեքսանյանը պատասխանեց. «Խի՞ չեմ ուղարկի: 15 տարեկան են, պուճուր են, ուղարկե՞մ»:
Հռիփսիմե ՋԵԲԵՋՅԱՆ
