Ի՞նչ ազդեցություն կարող է ունենալ ղարաբաղա-ադրբեջանական պատերազմը տարածաշրջանի երկրների տնտեսության վրա, Aravot.am-ի այս հարցին ի պատասխան Արժույթի միջազգային հիմնադրամի հայաստանյան առաքելության նոր ղեկավար Հոսեյն Սամին ասաց. «Մենք ցավում ենք, որ տեղի ունեցավ լարվածության սրում, մենք շատ ենք ցավում կյանքի կորուստների համար: Հուսով ենք խաղաղությունը կվերականգվի: Ուրախ էինք լսել, որ կա հրադադար եւ հուսով ենք այն կպահպանվի: Քանի որ իրադարձությունները 2 օր առաջ են տեղի ունեցել, մենք առիթ չենք ունեցել գնահատելու դրանց տնտեսական ազդեցությունը: Այս պահին չեմ ակնկալում, որ այդ իրադարձությունները տնտեսական աճի վրա մեծ ազդեցություն կունենան»:
Մանրամասները` տեսանյութում
Հիշեցնենք, որ ԱՄՀ նոր ներկայացուցիչն այսօր լրագրողների հետ հանդիպման ժամանակ Հայաստանի այս տարվա տնտեսական աճի վերաբերյալ ասաց, որ կանխատեսվում է այն կլինի 2.5% սահմաններում:
Կարդացեք նաև
Նելլի ԲԱԲԱՅԱՆ
