«Լավրովը մի անգամ չի ասել, որ նոր փաստաթուղթ որպես այդպիսին չկա, կան առաջարկներ, որոնք քննարկվել են վերջին տարիների ընթացքում»,-այսօր «Արմենիա Մարիոթ» հյուրանոցում տեղի ունեցած մամուլի ասուլիսի ընթացքում, խոսելով ԼՂ հակամարտության կարգավորման մասին ՌԴ արտգործնախարար Սերգեյ Լավրովի` վերջերս հնչեցրած առաջարկներից՝ ասաց ԵԱՀԿ Մինսկի խմբի ռուսաստանցի համանախագահ Իգոր Պոպովը:
Նրա բնորոշմամբ` նշյալ առաջարկները հիմնված են մի շարք սկզբունքների վրա, որոնցից են` Ղարաբաղի շուրջը գտնվող տարածքների վերադարձը եւ ԼՂՀ կարգավիճակի հստակեցումը: Ինչ վերաբերում է շփման գծում խաղաղապահներ տեղակայելու առաջարկին, Պոպովն այսպես մեկնաբանեց. «Խաղաղապահների հարցը քննարկվում է: Խաղաղապահների գործողություն ենթադրվում է կարգավորման եզրափակիչ փուլում»:
Լուիզա ՍՈՒՔԻԱՍՅԱՆ
