Մոսկվայում տեղի ունեցած «OFS-8» մարտ առանց կանոնների երեկոյի ընթացքում հայ մարզիկ Ալբերտ Ղազարյանը ջախջախիչ հաղթանակ էր տարել Ադրբեջանը ներկայացնող Ռուսլան Մուրթազովի հանդեպ:
Այս պարտությունից հետո Haqqin.az-ի սպորտային մեկնաբան Ռասիմ Հուսեյնզադեն գրել է, որ դա հայերի նախապես պլանավորված հերթական սադրանքն էր: Ինչպես գրել է՝ Ադրբեջանը ներկայացնող անփորձ մարզիկին դեմ են հանել հայ փորձառու մարզիկին:
Ռուսլանը ռինգ է բարձրացել Ադրբեջանի դրոշով, սակայն, իրականում, չի ներկայացրել Ադրբեջանը: Ադրբեջանցի սպորտային մեկնաբանը ենթադրում է, թե պատանի հասակում նա Ադրբեջանի սպորտային ֆեդերացիաներից մեկում է ներգրավվել, բայց դուրս է մնացել, քանի որ չի համապատասխանել հավաքականի պայմաններին:
Ինչպես գրել է մեկնաբանը՝ իբրև հայերը` գումար են տվել նրան, որպեսզի հանդես գա Ադրբեջանի անունից և պարտվի:
Կարդացեք նաև
Եթե Ադրբեջանը հրաժարվում է Մոսկվայում անցկացված OFS 8 մրցաշարում Ալբերտ Ղազարյանից մի լավ ծեծ կերած Ռուսլան Մուրթազովից, նույն տրամաբանությամբ պետք է հրաժարվի ճանաչել նաեւ դեռեւս 90-ական թվականներից մշտապես խայտառակ պարտություն կրող իր բանակից, զինվորներից ու սպաներից, որոնք մեկ անգամ չէ, որ խայտառակ պարտություն են կրել Հայաստանից եւ Արցախից:
Աշոտ ՀԱԿՈԲՅԱՆ
