Այսօր ՀՀԿ գործադիր մարմնի նիստի ընթացքում Սերժ Սարգսյանը կուսակցական ընկերներին ներկայացրել է Սանկտ Պետերբուրգում կայացած հանդիպման մանրամասները:
ՀՀԿ ԳՄ նիստից հետո լրագրողների հետ զրույցում ՀՀԿ խոսնակ Էդուարդ Շարմազանովն ասաց, որ քննարկվել են նաեւ Հռոմի պապի այցելության հետ կապված հարցերը:
Ադրբեջանի նախագահի աշխատակազմի ղեկավարի տեղակալ Նովրուզ Մամեդովի հայտարարության հետ կապված հարցին Շարմազանովն արձագանքեց. «Դա Մամեդովի հիվանդ երեւակայության արդյունքն է, որովհետեւ ոչ միայն պաշտոնական Երեւանն է միանգամից արձագանքել, այլ արդեն այսօր պաշտոնական Մոսկվան՝ նշելով, որ հղում պետք է արվի բացառապես պաշտոնական հայտարարություններին, այլ ոչ թե որոշ պաշտոնյաների կամայական երեւակայությանն ու արտահայտություներին: Սա էլ հո պաշտոնական Երեւա՞նը չի ասում, սա պաշտոնական Մոսկվայի պատասխանն է՝ Ադրբեջանին: Եվս մեկ անգամ կարող ենք փաստել, որ պարոն Մամեդովը տվայտանքների մեջ է, եւ նրա հայտարարությունները մեղմ ասած իրականությունից հեռու են: Դրա վառ ապացույցը պաշտոնական Մոսկվայի շատ խիստ գնահատականն է: Կոպիտ ասած հայտարարեցին, որ ադրբեջանցի բարձրաստիճան պաշտոնյան սուտ է խոսում»:
Ըստ Շարմազանովի՝ համանախագահներն արդեն միտված են հնարավորինս հասցեական գնաատականներ տալ, եւ եթե կողմերից մեկը ոչ ճիշտ հայտարարությամբ է հանդես գալիս, դա կանխում են եւ իրերը կոչում են իրենց անունով. «Զախարովայի այսօրվա հայտարարությունը իրերն իրենց անունով կոչելու մասին է խոսում»:
Կարդացեք նաև
Հռիփսիմե ՋԵԲԵՋՅԱՆ
