Դիլիջան քաղաքում ոստիկանների վրա բեզնասղոցով հարձակված տղամարդու նկատմամբ քրեական գործ է հարուցվել ՀՀ քրեական օրենսգրքի 316 հոդվածի 2-րդ մասով («Իշխանության ներկայացուցչի կամ նրա մերձավոր ազգականի նկատմամբ կյանքի կամ առողջության համար վտանգավոր բռնությունը՝ կապված նրանց կողմից իրենց ծառայողական պարտականությունները կատարելու հետ»): Սույն հոդվածով բնութագրվող գործողության համար որպես պատիժ նախատեսվում է 5-10 տարի ազատազրկում: Տղամարդը դատարանի որոշմամբ գտնվում է կալանքի տակ: Քրեական գործի քննությունը կատարում է ՀՀ քննչական կոմիտեի Տավուշի մարզային քննչական վարչության Դիլիջանի բաժինը:
Հոկտեմբերի 12-ին ոստիկանության Դիլիջանի բաժնի աշխատողները ահազանգով մեկնել են քաղաքի Մյասնիկյան փողոց: Հարսը ոստիկաններին ահազանգել է, որ իր ամուսինը վիճաբանում է սկեսուրի հետ: Այդ տուն մեկնած օպերատիվ խմբի 3 ոստիկանները փորձել են կարգի հրավիրել հարազատ մոր հետ վիճաբանողին, սակայն ալկոհոլի ազդեցության տակ գտնվող, 1974թ. ծնված տղամարդն իրեն ագրեսիվ է պահել:
Ոստիկանության Դիլիջանի բաժնից տեղեկացանք, որ տղամարդը բենզասղոցով հարձակվել է ոստիկաններից մեկի վրա, վերջինս հազիվ հասցրել է ոտքերը փախցնել գործող բենզասղոցից: Այնուհետեւ 42-ամյա դիլիջանցին բենզասղոցով հարձակվել է մեկ այլ ոստիկանի վրա: Վերջինս սեղմվել է սենյակի անկյունում, այլեւս նահանջելու տեղ չունենալով, բազմաթիվ նախազգուշացումներից հետո օդ է կրակել: Ոստիկանները կարողացել են բերման ենթարկել տղամարդուն: Նա դատվել է 1994թ. Դիլիջանում տեղակայված զորամասում կատարած սպանության եւ 2001թ. կատարած սպանության փորձի համար: Նա Դիլիջան քաղաքի մշակույթի տանը տնտեսվար էր աշխատում: Տղամարդը որպես հոգեկան հիվանդ հաշվառված չէ:
Կարդացեք նաև
Ոսկան ՍԱՐԳՍՅԱՆ
Եթէ ժողովուրդի տնտեսական վիճակը չբարելաւուի արագօրէն նման դէպքերը կրնան բնական երեւոյթ դառնալ:հարկ չկայ հոգեբոյժ ըլլալ հասկնալու համար որ յուսահատական երելոյթներու առջեւ կը գտնուինք :