Գերմանիայի արտգործնախարար Ֆրանկ-Վալտեր Շտայնմայերը կարգադրել է պետքարտուղար Շտեֆան Շտեյնլեյնին ուրբաթ Թուրքիայի հավատարմատարին հրավիրել ԱԳՆ՝ կապված այդ երկրում քրդամետ ընդդիմադիր կուսակցության անդամների ձերբակալությունների հետ: Այս մասին հայտնում է «ՌԻԱ Նովոստին»՝ վկայակոչելով ԱԳՆ հաղորդագրությունը:
Հինգշաբթի լույս ուրբաթ գիշերը Թուրքիայի մի շարք քաղաքներում ձերբակալվել են Ժողովուրդների ժողովրդական կուսակցության (ԺԺՊ) ավելի քան 10 անդամներ, այդ թվում համանախագահներ Սելահաթթին Դեմիրթաշն ու Ֆիգեն Յուքսեքդաղը:
«Քրդամետ Ժողովուրդների ժողովրդական կուսակցության (ԺԺԿ) պատգամավորների և քաղաքական գործիչների գիշերային ձերբակալությունները, նախարարի կարծիքով, զգալիորեն վատթարացրել է իրավիճակը: Ոչ մեկ չի վիճարկում Թուրքիայի իրավունքը՝ դիմակայել ահաբեկչության սպառնալիքին և օրինական ճանապարհով քննել ռազմական հեղաշրջման արյունալի փորձը: Բայց դա չպետք է արդարացում լինի՝ ստիպելու քաղաքական ընդդիմությանը լռել կամ ընդհանրապես նրան ճաղերի ետև ուղարկել»,- ասվում է հաղորդագրության մեջ:
Դրանում նշվում է, որ ԱԳՆ-ում հանդիպումը նպատակ ունի «պաշտոնապես Թուրքիայի կառավարությանը որպես ի գիտություն ներկայացնել դաշնային կառավարության դիրքորոշումը»:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
