Այսօր ՀՀ ԿԱ քաղաքաշինության պետական կոմիտեի Ալ. Թամանյանի անվան ճարտարապետության ազգային թանգարան-ինստիտուտի «Թամանյան» սրահում բացվեց Սանկտ Պետերբուրգի գեղանկարչության, քանդակի և ճարտարապետության պետական ակադեմիական ինստիտուտի ուսանողների գրաֆիկական աշխատանքների ցուցահանդեսը:
Նման ցուցահանդեսի կազմակերպումը Ալ. Թամանյանի անվան ճարտարապետության ազգային թանգարան-ինստիտուտի «Թամանյան» սրահում
խորհրդանշական է, քանի որ ճարտարապետ Ալեքսանդր Թամանյանը տարիներ շարունակ ապրել ու ստեղծագործել է Սանկտ-Պետերբուրգում, ուսանել Սանկտ-Պետերբուրգի գեղանկարչության, քանդակի և ճարտարապետության պետական ակադեմիայում, ապա նաև եղել ակադեմիայի փոխպրեզիդենտը:
ՀՀ ԿԱ քաղաքաշինության պետական կոմիտե