«Ընդունում եմ մեղադրանքը՝ հարվածել եմ ոստիկանի վահանին»,- Կենտրոն եւ Նորք-Մարաշ վարչական շրջանների ընդհանուր իրավասության դատարանում ընթացող նիստում հայտարարեց Ռաֆայել Կարագյոզյանը: Վերջինս մեղադրվում է ՀՀ քրդատօր-ի զանգվածային անկարգություններ հոդվածով. 2016թ. հուլիսի 20-ին ՊՊԾ գնդին հարակից տարածքում Ռաֆայել Կարագյոզյանը մասնակցել է զանգվածային անկարգություններին, որոնց ժամանակ 46 ոստիկան տարբեր մարմնական վնասվածքներ են ստացել, նաեւ ոստիկանությանը, Երեւան քաղաքին եւ տարբեր իրավաբանական անձանց պատկանող մոտ 10 մլն դրամի գույք է ոչնչացվել կամ վնասվել:
Նույն գործով մյուս ամբաստանյալը՝ հայտնի քաղաքական-հասարակական գործիչ Արշակ Սադոյանի որդին՝ Արեգ Սադոյանը, նույնպես ընդունեց իրեն առաջադրված մեղադրանքը:
Նա, ըստ մեղադրանքի՝ քաշել է ոստիկանության աշխատակցի վահանը: Արեգ Սադոյանը շատ ցածրաձայն ընդունեց մեղադրանքը: Նախագահող դատավորի դիտողությունից հետո նա ավելի բարձր ձայնով, բայց ակնհայտ դժկամությամբ հայտարարեց, որ ընդունում է մեղադրանքը եւ թարսուշիտակ հայացքներ նետեց իր շահերի պաշտպան Վարդան Զուռնաչյանի եւ դատարանի դահլիճում ներկա հոր՝ Արշակ Սադոյանի ուղղությամբ:
Մանրամասները՝ ավելի ուշ:
Կարդացեք նաև
Նելլի ԳՐԻԳՈՐՅԱՆ
