Սիրիայի Իդլիբ մարզում ենթադրյալ քիմիական հարձակման հետևանքով զոհվել է ավելի քան 70 մարդ, այդ թվում՝ 20 երեխա և 17 կին:
Մարդու իրավունքների հարցով մոնիթորինգի սիրիական կենտրոնը նախազգուշացրել է, որ զոհերի թիվը կմեծանա, քանի որ շատ մարդիկ մինչև հիմա համարվում են անհետ կորած:
Իդլիբի Խան Շեյխուն քաղաքի ռմբակոծման է ենթարկվել ապրիլի 4-ին: Սիրիացի ակտիվիստների փոխանցմամբ՝ ավիահարվածն իրականացրել են սիրիական բանակի կամ ռուսական ավիացիայի ինքնաթիռները: Ավիահարվածից անմիջապես հետո մարդիկ սկսել են շնչահեղձ լինել:
ԱՄՆ-ը, Մեծ Բրիտանիան և Ֆրանսիան ՄԱԿ Անվտանգության խորհրդի նիստին ներկայացրել են բանաձև, որով խիստ դատապարտում են սիրիական Իդլիբում քիմիական զենքի կիրառումը: ՄԱԿ ԱԽ-ի երեք մշտական անդամները գազային հարձակման պատասխանատվությունը դնում են Սիրիայի նախագահ Բաշար Ալ-Ասադի վրա:
Կարդացեք նաև
Բանաձևի նախագծում ասվում է, որ Սիրիայի կառավարությունը պետք է ապահովի միջազգային հետաքննության անցկացում, ինչպես նաև տրամադրի ավիաբազաների հասանելիություն, որտեղից գործել է քիմիական զենքով ավիացիան:
