Զարուհի Փոստանջյանն այսօր Երեւանի ավագանու ընտրություններին քարոզարշավի համար հետաքրքիր տեղ էր ընտրել՝ Նուբարաշենի աղբանոցը: Փոստանջյանը ցուցադրեց, թե ինչպես են մշակում, ավելի ճիշտ՝ այրում աղբը՝ աղտոտելով ողջ միջավայրը. «Տեսնում եք ինչ միջոցով են շահագործում, աղբը կուտակվում, հետագայում այրվում է: Իսկ այսպիսի հետամնաց միջոցով աղբի չեզոքացումը արդեն իսկ ամբողջ աշխարհում կարելի է ասել դադարել է: Կարող էին վերամշակել, այդ աղբից ստանալ ապրանքներ, նաեւ ստանալ էլեկտրաէներգիա:
Բայց քանի որ կոռուպցիոն է ամբողջ համակարգը ՀՀ-ում, Երեւանի քաղաքապետարանը մերժեց այդ ծրագրի իրականացումը, որովհետեւ շուկա մուտք էր գործում մի այլընտրանքային գործունեություն ծավալող ընկերություն, որը կարող էր մրցակից լինել այն ընկերություններին, որոնք արտադրում են էլեկտրաէներգիա: Հետեւաբար, այդ ծրագիրը մերժվեց եւ հիմա շարունակում են նույն ձեւով շահագործել աղբավայրը:
Թունավոր արտանետվող գազերը տարածվում են, ծուխը գնում է Երեւան, մենք շնչում ենք, գրունտային ջրերի միջոցով նաեւ կեղտոտվում է մեր շրջակա միջավայրը, եւ սա հանցագործություն է: Այս հանցագործության պատճառով մենք հիվանդանում ենք, մեր երիտասարդ կանայք ձեռք են բերում չբերություն, մենք զրկվում ենք նոր սերնդից եւ այս հանցագործության շղթան տանում է մինչեւ Բաղրամյան 26: Այդ որոշումը միայն սուվերեն Տարոն Մարգարյանի որոշումը չէր մերժել այդ ծրագիրը»:
Կարդացեք նաև
Նա ասաց, որ պարտավոր ենք վերացնել այս աղբավայրը: Դիտարկմանը, որ հենց այսօր Երեւանի քաղաքապետ Տարոն Մարգարյանը Նուբարաշենում էր եւ խոստացել է աղբավայրը վերացնել, կանաչ տարածքներ դարձնել՝ Զարուհի Փոստանջյանը պատասխանեց. «Այդ խոստումները մենք լսել ենք ՀՀԿ-ի Սերժ Սարգսյանի կողմից էլ: Այդ խոստումները իրականության հետ կապ չունեն:
Մենք գալիս ենք ասելու՝ վերջ, այլեւս մենք չենք կարող այս աղբը հանուրժել: Աշխարհի լավագույն ծրագրերը կարող ենք ներդնել այստեղ, մեզանից չի պահանջվում լոկ մեկ դրամ: Կարող ենք իրականացնել այն հատուկ ընկերությունների միջոցով, որոնք ունեն շահագրգռվածություն, որովհետեւ միջազգային իրավունքի ներքո ունեն իրենց պարտավորությունները: Այս ծրագրերը մենք շատ հանգիստ կարող ենք կյանքի կոչել, եթե վերացնում ենք կոռուպցիոն մեխանիզմները: Այս աղբավայրի պատկերը ՀՀԿ-ի դեմքն է»:
Հռիփսիմե ՋԵԲԵՋՅԱՆ
ձախավեր, երկշեղբանի ռազմավարութիւն
քանզի աղբի կոյտերուն մէջ,
բառացիօրէն, պատկերին վրայ երեւցողը՝ ՀՀԿ-ն չէ…
Հանճարեղ մօտեցում որ ինքնիրեն շատ բան կ՝ըսէ
բան մը որ ամէնքը շատ լաւ կը հասկնան :