Ռազմավարական եւ ազգային հետազոտությունների հայկական կենտրոնի փորձագետ, քաղաքական վերլուծաբան Սարո Սարոյանը հարցին, թե օրինաչա՞փ էր «Ծառուկյան» դաշինքի հետ տեղի ունեցածը, արձագանքեց. «Այդ դաշինքում տեղի ունեցող գործընթացը վկայությունն է այն բանի, որ մինչեւ նախընտրական գործընթացները գործող վարչախումբը մտածել էր մի որոշակի մեխանիզմ, թե ինչպես պետք է որոշակի պատգամավորներ տարբեր թելերով կաշկանդված լինեն։ Եվ այդ կաշկանդվածության արտահայտությունն է այն, ինչ տեղի ունեցավ «Ծառուկյան դաշինքում»։
Իհարկե, գաղտնիք չէ, որ մանդատից հրաժարվելու նման գրություններ ստորագրել են շատ թեկնածուներ, եւ դրանք ինչ-որ մի լծակ են մարդկանց վրա ազդեցություն գործելու, հարկ եղած դեպքում, առանց նրանց կարծիքը հարցնելու, որոշակի գործընթացներ սկսելու համար։ Այսինքն՝ նա, ով կփորձի ինքնուրույն գործել, գիտի, որ կաշկանդված է մանդատից զրկվելու հեռանկարով։ ԱԺ-ն ներկայացված է վերահսկելի պատգամավորներով»:
Թագուհի ՀԱԿՈԲՅԱՆ
Հոդվածն ամբողջությամբ կարող եք կարդալ «Հրապարակ» թերթի այսօրվա համարում