«Հայաստանյան դաշտն ընդհանրապես քաղաքական չէ, այնտեղ քաղաքական բաղկացուցիչ չկա: Փոխարենը կան քրեական տարրեր»,- լրագրողների հետ այսօր կայացած հանդիպման ժամանակ ասաց քաղտեխնոլոգ Կարեն Քոչարյանը:
Քաղտեխնոլոգը անընդունելի է համարում, որ կուսակցությունների ղեկավարները մարդկանց առաջ պայման են դնում իքս թվով ձայներ բերել: Նրա խոսքով` պատգամավորության թեկնածուների առջև չպետք է նման խնդիր դրվի, առավել ևս, երբ մարդիկ ընտրվում են, չպետք է փորձել մանդատից զրկել:
«Հայաստանում պրակտիկա է փչացնել մարդկանց, ընդ որում՝ ամենատարբեր ոլորտների: «Ծառուկյան» դաշինքի պատգամավորների մանդատները վայր դնելու պարտադրանքը ևս քաղաքական դաշտի հերթական փչացման գործընթացն էր»,- նշեց նա:
Հիշեցնենք, որ «Ծառուկյան» դաշինքի կողմից պատգամավորի մանդատից հրաժարվելու վերաբերյալ 23 ինքնաբացարկ հայտնած պատգամավորներից 12-ը հրաժարվում են իրենց ինքնաբացարկի դիմումներից:
Կարդացեք նաև
Անուշ ԱՅՎԱԶՅԱՆ
