Եվրոպա լիգայի եզրափակչում «Այաքսի» դարպասը խփած գոլը Հայաստանի ազգային հավաքականի ավագ Հենրիխ Մխիթարյանին հերթական մրցանակն է բերել ակումբային անվանակարգում՝ ճանաչվելով լավագույնը մայիս ամսում: Նրա օգտին քվեարկել է երկրպագուների 68 տոկոսը:
Հենրիխ Մխիթարյանը վերջին վեց ամիսներին հինգերորդ անգամ է արժանանում ակումբի՝ ամսվա լավագույն գոլ մրցանակին:
«Սանդերլենդի» դարպասին խփած «կարիճ» գոլը ՄՅՈՒ-ի երկրպագուները ճանաչել են ոչ միայն դեկտեմբեր ամսվա, այլեւ ակումբի լավագույն գոլն ամբողջ մրցաշրջանում:
Հենրիխ Մխիթարյանը օգոստոսից մայիս ամիսներին «Մանչեսթեր Յունայթեդի» լավագույն գոլի հեղինակ է դարձել դեկտեմբեր, հունվար, փետրվար, ապրիլ եւ մայիս ամիսներին:
Աշոտ ՀԱԿՈԲՅԱՆ