Փարիզում մարզասերները ռինգում փորձել են ծեծել Հարութ Գրիգորյանին թիկունքից նոկաուտի ենթարկած հոլանդացի մրցակցին (տեսանյութ)

Փարիզում անցկացված քիկբոքսինգի մրցաշարում հայ մարզիկ Հարութ Գրիգորյանի եւ հոլանդացի Մարտել Գրոնհարտի միջեւ մենամարտն ավարտվել է հանդիսատեսների ծեծկռտուքով:

Միջադեպը տեղի է ունեցել երկրորդ ռաունդում: Գրիգորյանը մի քանի հարված ստանալուց հետո անհասկանալի պատճառով իջեցրել է ձեռքերը եւ թիկունքով շրջվել մրցակցի կողմը: Իսկ հոլանդացին օգտվելով դրանից՝ մեջքի կողմից հասցրած մեկ հարվածով Հարութ Գրիգորյանին նոկաուտի է ենթարկել: Այդ պահին հայ մարզիկի աջակցող խմբի մի քանի անձինք մտել են ռինգ եւ փորձել ծեծի ենթարկել հոլանդացուն:

Միջադեպը հնարավոր է եղել շատ արագ կանխել անվտանգության աշխատակիցների եւ մարզիկների թիմերի միջամտությամբ:

Ավելի ուշ Հարութի մարզիչ Նիկի Հեմմերսը ասել է, թե իր սանը թիկունքով շրջվել է, որովհետեւ պատռվածք էր ստացել: Նա միեւնույն ժամանակ չի հասկանում, թե ինչու է Հարութը դա արել եւ դադարել պաշտպանվել:

Աշոտ ՀԱԿՈԲՅԱՆ