Aravot.am-ը իր ընթերցողներից հետաքրքրվել էր, թե արդյոք հավատո՞ւմ են, որ այս կառավարությունը կկարողանա իրականացնել իր հնգամյա ծրագրում նշված դրույթը` աղքատությունը 5 տարում 12 տոկոսային կետով նվազեցնելու վերաբերյալ:
Հարցման մասնակիցները պատասխանի 4 տարբերակ ունեին՝ «Ոչ, որովհետեւ միշտ էլ խոստանում են եւ չեն անում», «Այո, ես այս կառավարությանը վստահում եմ», «Դեռ պարզ չի, թե մյուս տարի ի՞նչ կառավարություն կձեւավորվի, ինչպե՞ս հավատամ», «Ինձ բոլորովին չի հետաքրքրում ո՛չ կառավարությունը, ո՛չ իր ծրագիրը, ոչ էլ աղքատությունը»:
Հարցման մասնակիցների 3 տոկոսին չէր հետաքրքրում կառավարության ծրագիրը, 14 տոկոսը վստահում է կառավարությանը, հարցման մասնակիցների 34 տոկոսի համար դեռ պարզ չէ, թե մյուս տարի ինչ կառավարություն կձեւավորվի:
Հարցվածների մեծամասնությունը՝ 49 տոկոսը, չի հավատում կառավարությանը. միշտ խոստանում են, բայց չեն անում:
ԱՄԻ ՉԻՉԱԿՅԱՆ
«Առավոտ»
01.07.2017
