Բնապահպանական պետական տեսչության կողմից 03.07.-07.07.2017թթ ժամանակահատվածում իրականացված շրջայցերի, տեսչության վարույթին հանձնված գործերի քննության և հաշվետվությունների ընդունման գործընթացում հայտնաբերված խախտումների արդյունքում կայացվել է 830.0 հազ.դրամ ընդհանուր գումարի վարչական տուգանքի 12 որոշում և հաշվարկվել 417.9 հազ.դրամ ընդհանուր գումարի շրջակա միջավայրին հասցված վնաս:
Մասնավորապես`
Բուսական աշխարհի պահպանության ոլորտ
Կազմվել է վարչական տուգանքի 2 որոշում 100 հազ. դրամի և հաշվարկվել է 337.5 հազ.դրամ գումարի շրջակա միջավայրին պատճառված վնաս, որից՝
Լոռու տարածքային բաժինը ՀՀ ոստիկանության ԼՄՎ Թումանյանի բաժնից ստացված արձանագրության հիման վրա /հատվել է 1 հաճարենի/ իրավախախտի նկատմամբ կայացրել է 50.0 հազ. դրամի վարչական տուգանքի 1 որոշում և հաշվարկել է 202.5հազ.դրամի շրջակա միջավայրին հասցրած վնաս:
Երևանի տարածքային բաժնի աշխատակիցների ստուգայցերի արդյունքում 1 իրավախախտի նկատմամբ կայացվել է 50.0հազ.դրամի վարչական տուգանքի որոշում և հաշվարկվել է 135.0հազ.դրամի շրջակա միջավայրին հասցված վնաս:
Ապօրինի որսի իրականացման համար
Կազմվել է վարչական տուգանքի 2 որոշում` 100.0հազ.դր. գումարով, առգրավվել է 1.9կգ խեցգետին, 4 հատ խեցգետնաորսիչ:
Որից`
Շիրակի տարածքային բաժնի աշխատակիցների ստուգայցերի արդյունքում հայտնաբերվել է խեցգետնի ապօրինի որսի մեկ դեպք: Կայացվել է 50.0հազ.դր.գումարի վարչական տուգանքի 1 որոշում, առգրավվել է 4 հատ խեցգետնաորսիչ, իսկ 1.9կգ խեցգետինը կենդանի վիճակում բաց է թողնվել ջրամբար:
Արարատի տարածքային բաժնի վարույթին հանձնված գործով` /հայտնաբերվել է արջի քոթոթ և կապիկ/ կայացվել է 50.0հազ.դրի վարչական տուգանքի որոշում:
Փայտանյութի ապօրինի տեղափոխում
Կազմվել է վարչական տուգանքի 5 որոշում` 500.0հազ.դրամ գումարով և հաշվարկվել է 72.0հազ.դրամ գումարի շրջակա միջավայրին հասցված վնաս,որից`
Գեղարքունիքի տարածքային բաժնի աշխատակիցների վերահսկողական աշխատանքների ընթացքում արձանագրված դեպքի համար իրավախախտի նկատմամբ կայացվել է 100.0հազ.դրամի վարչական տուգանքի որոշում և հաշվարկվել է 72.0հազ.դրամ գումարի շրջակա միջավայրին հասցված վնաս:
Տավուշի տարածքային բաժնի աշխատակիցների շրջայցերի արդյունքում հայտնաբերված վառելափայտի ապօրինի տեղափոխման 4 դեպքի համար կայացվել է 400.0հազ.դրամ ընդհանուր գումարի 4 որոշում:
Ապօրինի արածեցման համար
Կազմվել է վարչական տուգանքի 1 որոշում` 50.0հազ.դրամ գումարով և հաշվարկվել է 8.4 հազ.դրամ գումարի շրջակա միջավայրին հասցված վնաս, որն է`
Գեղարքունիքի տարածքային բաժինը <<Սևան ԱՊ>> ՊՈԱԿ-ից ստացված 27 գլուխ խոշոր և 20 գլուխ մանր եղջերավոր անասունների ապօրինի արածեցման փաստի վերաբերյալ կազմված արձանագրության հիման վրա նշանակել է 50.0հազ.դրամ գումարի վարչական տուգանքի 1 որոշում և հաշվարկել է 8.4հազ.դրամի շրջակա միջավայրին հասցված վնաս:
Մթնոլորտի պահպանության ոլորտ`
Կազմվել է վարչական տուգանքի 1 որոշում` 50.0հազ.դրամի, որն է`
Կոտայքի տարածքային բաժնի աշխատակիցների շրջայցերի արդյունքում հայտնաբերված ապօրինի շինարարական աղբի տեղափոխման և տեղադրման դեպքի համար մեկ ֆիզիկական անձի նկատմամբ կայացվել է 50.0հազ.դրամի վարչական տուգանքի որոշում:
Հողերի պահպանության ոլորտ
Կազմվել է վարչական տուգանքի 1 որոշում` 30.0հազ.դրամի, որն է`
Շիրակի տարածքային բաժնի աշխատակիցների ստուգայցերի արդյունքում հողի բերրի շերտի տեղափոխման համար ֆիզիկական անձի նկատմամբ կայացվել է 30.0հազ.դրամի վարչական տուգանքի 1 որոշում:
Վարչարարության և փորձաքննության բաժինը հաշվետու ժամանակաշրջանում դատական ակտերի հարկադիր կատարման է ներկայացրել 2 վարչական տուգանքի որոշում` 100.0հազ.դրամի չափով և վնասի փոխհատուցման 1 որոշում` 56.25 հազ.դրամի չափով:
Ընդհանուր առմամբ Բնապահպանական պետական տեսչության կիրառված պատժամիջոցներից նշված ժամանակահատվածում ՀՀ պետական բյուջե է մուտքագրվել 0.6մլն.դրամ գումար:
ՀՀ բնապահպանության նախարարություն
