«Սասնա ծռերի» գործով կալանավորված Պավել Մանուկյանը, Վարուժան Ավետիսյանը, նաեւ Ժիրայր Սեֆիլյանը եւ մյուսները արդեն 1 տարի է կալանավորված են եւ այս մեկ տարվա ընթացքում նրանց ընտանիքի անդամներին իրենց հետ տեսակցելու որեւէ հնարավորություն չի տրվել: Այսօր այդ հարցն ԱԺ-ում Նիկոլ Փաշինյանն ուղղեց գլխավոր դատախազ Արթուր Դավթյանին:
Ըստ Փաշինյանի, սա որեւէ քրեաիրավական բացատրություն չունի, քանի որ հանդիպումները վերահսկվում են:
Արթուր Դավթյանը պատասխանեց, որ հիմքեր են առկա եղել՝ մեղադրյալների պատշաճ վարքագիծն ապահովելու համար:
Նիկոլ Փաշինյանն արձագանքեց, որ տեսակցության ընթացքում եթե նախաքննությանը խոչընդոտող որեւէ իրադարձություն լիներ՝ էլի հասկանալի կլիներ, բայց հիմա ոչ մարդկային, ոչ բարոյական, որեւէ տրամաբանության մեջ չի տեղավորվում, որ մարդկանց թույլ չեն տալիս 1 տարի տեսակցել իրենց երեխաների հետ:
Գլխավոր դատախազն ասաց, որ արդեն նախաքննությունն ավարտվել է եւ արդեն տեսակցությունները բացվել են:
Հռիփսիմե ՋԵԲԵՋՅԱՆ
