Կենտրոն եւ Նորք Մարաշ վարչական շրջանների ընդհանուր իրավասության դատարանում այսօր կրկին հետաձգվեց լրագրողներ Շողիկ Գալստյանի եւ Սիսակ Գաբրիելյանի մասնագիտական գործունեությունը խոչընդոտելու գործով դատական նիստը:
Հիշեցնենք, որ Ջուլիետա Կոկոլյանին եւ Լեւոն Գասպարյանին մեղադրանք է առաջադրվել այն բանի համար, որ նա ՀՀ Ազգային ժողովի 2017թ. ապրիլի 2-ի ընտրությունների ընթացքը լուսաբանող` զանգվածային լրատվության միջոց հանդիսացող լրատվական կայքի ներկայացուցիչ` լրագրող Շողիկ Գալստյանի եւ Սիսակ Գաբրիելյանի նկատմամբ բռնություն գործադրելով` խոչընդոտել է վերջինիս լիազորությունների իրականացմանը:
Այսօրվա դատական նիստին չէին ներկայացել մեղադրյալ Կոկոլյանը եւ գործով վկաները: Դատարանը՝ վկաներին բերման ենթարկելու որոշում ընդունեց: Ջուլիետա Կոկոլյանի առողջական խնդիրները հաստատող որեւէ փաստաթուղթ դատարան չէր ներկայացվել: Նրա ներկայացուցիչը խոստացավ հաջորդ նիստին ներկայացնել:
Արփինե ՍԻՄՈՆՅԱՆ
