Aravot.am-ը իր ընթերցողներից հետաքրքրվել էր, թե իրենց կարծիքով՝ ինչո՞վ է պայմանավորված վերջին շրջանում բռնությունների աճը:
Հարցման մասնակիցները ունեին պատասխանի 5 տարբերակ՝ «անպատժելիության մթնոլորտով», «անտանելի շոգով», «միշտ էլ եղել է, բայց այդքան չեն գրել այդ մասին», «ոչ մի աճ էլ չկա, սովորական դեպքեր են», «չգիտեմ ինչով, բայց արդեն չափազանց է»:
Եվ այսպես՝ հարցման մասնակիցների 5 տոկոսը համարում է, որ ոչ մի աճ էլ չկա. Սովորական դեպքեր են, 11 տոկոսը չգիտի, թե ինչով է պայմանավորված, բայց համարում է, որ արդեն չափազանց է: Հարցվածների 14 տոկոսը բռնության դեպքերի աճը համարում է, որ պայմանավորված է անտանելի շոգով, 18 տոկոսը համարում է, որ նման դեպքեր միշտ էլ եղել են, բայց այդքան չեն գրել այդ մասին: Իսկ հարցվածների մեծամասնությունը՝ 52 տոկոսը բռնությունների աճը պայմանավորում է անպատժելիության մթնոլորտով:
ԱՄԻ ՉԻՉԱԿՅԱՆ
