Անցած տարվա դեկտեմբերին ՄՕԿ-ը մուայթայը ճանաչեց որպես մարզաձեւ եւ որոշեց, որ մույթայը Տոկիոյի օլիմպիական խաղերում ներկայացվի որպես ցուցադրական մարզաձեւ:
Հայաստանի մուայթայի ֆեդերացիան այս մարզաձեւի տարածման եւ զարգացման ուղղությամբ բավականին մեծ աշխատանք է ծավալում դեռ 2015 թվականից ու այդ ընթացքում հաջողությունների հասել է:
Օրերս Հայաստանի մուայթայի ֆեդերացիայի մարզիկ, 2015 թ. Եվրոպայի չեմպիոն, աշխարհի առաջնությունում չորրորդ տեղն զբաղեցրած եւ միջազգային պրոֆեսիոնալ մրցաշարերում հաղթած Գոռ Նազարյանը Մոսկվայում մասնակցեց «Russian Challeng 4» հանրահայտ պրոֆեսիոնալ մրցաշարին եւ միավորներով հաղթեց Ռուսաստանը ներկայացնող Խավաժ Օլիգովին:
Հիմա Գոռ Նազարյանը Հայաստանի հավաքականի մյուս անդամների հետ նախապատրաստվում է հոկտեմբերին Փարիզում կայանալիք սիրողական մուայթայի Եվրոպայի առաջնությանը:
Աշոտ ՀԱԿՈԲՅԱՆ
