Իր ամանորյա ուղերձում Հյուսիսային Կորեայի առաջնորդ Կիմ Ջոն Ընը կրկին սպառնացել է Միացյալ Նահանգներին:
«ԱՄՆ-ի ողջ տարածքը հասանելի է մեր միջուկային հրթիռների համար, և դրանք արձակելուկոճակը մշտապես իմ սեղանին է: Սա սպառնալիք չէ, այլ իրականություն»,- ասել է Կիմ Ջոն Ընը:
Դրա հետ մեկտեղ վերջինս ընդգծել է, որ պատրաստ է երկխոսության Հարավային Կորեայի հետ:
Իր ուղերձում Հյուսիսային Կորեայի ղեկավարը կոչ է արել նվազեցնել լարվածությունը Կորեական թերակղզում և բարելավել հարաբերությունները Սեուլի հետ: Նա նաև հավելել է, որ դիտարկում է Հարավային Կորեայում կայանալիք Ձմեռային Օլիմպիական խաղերին Փհենյանի պատվիրակությունն ուղարկելու հնարավորությունը:
Մանրամասներին կարող եք ծանոթանալ՝ «Ամերիկայի ձայն»-ի կայքում:
