Հուլիսի 5-ին Փարիզում ՖՄԿ կենտրոնակայանում տեղի ունեցավ ասուլիս, որը նվիրված էր հոկտեմբերին Երևանում կայանալիք Ֆրանկոֆոնիայի միջազգային կազմակերպության գագաթաժողովին: Ասուլիսի ընթացքում երկու տասնյակ լրատվամիջոցների ներկայացուցիչների հարցերին պատասխանեցին ՀՀ վարչապետի խորհրդական Արսեն Խառատյանը, ՖԿՄ-ում ՀՀ մշտական ներկայացուցիչ Քրիստիան Տեր-Ստեփանյանը, ԱԳՆ մամուլի խոսնակ Տիգրան Բալայանը, ՖՄԿ գլխավոր քարտուղարի հատուկ խորհրդական Էրվե Լադսուին, ՖՄԿ հաղորդակցության հարցերով տնօրեն Վեռոնիք Տավոն, ՖՄԿ գլխավոր քարտուղարի մամուլի քարտուղար Բերտրան Լեբլանը:
Մամուլի ասուլիսի ընթացքում արծարծվեցին երևանյան գագաթաժողովի նախապատրաստական աշխատանքներին, անցկացվելիք միջոցառումներին ու ընդունվելիք փաստաթղթերին առնչվող հարցեր։ Բանախոսները ներկայացրեցին Հայաստանի ներգրավվածությունը ՖՄԿ-ին և հավատարմությունն ու շարունակական ներդրումը ֆրանկոֆոն արժեքների ամրապնդման և տարածման գործում, Կազմակերպության նշանակությունը Հայաստանի համար:
Փարիզում ՀՀ վարչապետի խորհրդական Արսեն Խառատյանը, ՖԿՄ-ում ՀՀ մշտական ներկայացուցիչ Քրիստիան Տեր-Ստեփանյանը և ԱԳՆ մամուլի խոսնակ Տիգրան Բալայանը հանդիպումներ են ունեցել ՖՄԿ գլխավոր քարտուղարի գրասենյակի ղեկավար Ժան-Լուի Աթանգանա Ամուգուի և գլխավոր քարտուղարի հատուկ խորհրդական Էրվե Լադսուի հետ, որոնց հետ հանգամանալից քննարկում է տեղի ունեցել ՖՄԿ երևանյան գագաթաժողովի նախապատրաստական աշխատանքների շուրջ ձեռք բերված պայմանավորվածությունների կատարման ընթացքի և ձեռնարկվող քայլերի շուրջ:
ՖՄԿ ԳՔ գրասենյակի ղեկավարը ողջունել է կառույցի գագաթաժողովը բարձր մակարդակով կազմակերպելու Հայաստանի իշխանությունների հանձնառության վերահաստատումը և կառավարության կազմավորումից անմիջապես հետո կազմակերպչական աշխատանքներին նոր ավյունով լծվելը, ինչին նրանք ականատես եղան Երևան մայիսին կատարած այցելության ընթացքում։
Արսեն Խառատյանը և Տիգրան Բալայանը հանդիպումներ ունեցան նաև Ֆրանկոֆոնիայի պաշտոնական հեռարձակող TV5Monde հեռուստաընկերության, France24 հեռուստաընկերության և Radio France International ռադիոկայանի ղեկավարության հետ՝ քննարկելու վերոհիշյալ լրատվամիջոցների կողմից գագաթաժողովի միջոցառումների լուսաբանմանն առնչվող հարցեր:
Վարչապետի խորհրդականն ու ԱԳՆ մամուլի խոսնակը ներկա գտնվեցին նաև ՖՄԿ մշտական խորհրդին, հանդիպում ունեցան Ֆրանսիայի հայկական կազմակերպությունները համակարգող խորհրդի համանախագահ Մուրադ Փափազյանի հետ:
ՀՀ արտաքին գործերի նախարարություն
Քիչ առաջ վերջ գտաւ ֆրանսական 5-րդ ալիքէն Հայաստանի նուիրուած յայտնի լրագրող Անթուան Դը Մաքսիմի ծանօթ հաղորդումը ՛՛ Այս գիշեր ձեր մօտ պիտի հիւրասիրուիմ՛՛ ; Վանաձոր-Երեւան- Ծաղկաձոր հանդիպումներ ձմեռ ատեն- Տեսարանը սիպերական էր բայց հանդիպումները ջերմ ;
Սարսափով նկատեցի որ իր հանդիպած զրուցակիցներէն /հակառակ իրենց ջերմութեան /չյայտնուեցաւ ոչ մէկը որ երկու բառ ֆրանսերէն իմանար – Ինչ ֆրանկոֆոնիա-ինչ ֆրանսական համալսարան -լեզուական բացարձակ ոչնչութիւն – տեսարանը շատ նուատացուցիչ էր ;